...K.e.l.e.b.e.k... : Türbə ziyarətləri... Yasaqları və şərtləri...

Türbə ziyarətləri... Yasaqları və şərtləri...

Allahdan istə. Allah diləyini verməzsə yenə də istə... İstə ki sənə verilsin. Sən istəmədikdən sonra Allah verməz. Sənin istəməyin Allahın “Buyur” deməsi sayəsindədir. Əbədi Var olandan istə, bədənini qurd yemiş ölüdən istəmə. Əksinə Onun sənin Dualarına ehtiyacı var İnan Buna... Qurani Kərimdə qəbir, cəhənnəm təsvirlərini insan oxuduğu zaman, ölüdən nəsə istəməyin nə qədər də yanlış olduğunu anlayır... Ölü də, Diri də Allaha möhtacdır.... Səni Ölü yaratmadı... Səni yaradan, Səni xəlq edən əlbəttəki Sənin dualarına cavab verməyə də qadirdir... Ölüdən nəsə istəmək Allahın hər şeyə qadir olduğuna açıq-aşkar sübhədir...

Allah, Ona şərik qoşmağından başqa hər bir günahını bağışlayar...Unutma!

Mövzumuz---qəbir ziyarətlərinə (türbə ziyarətlərinə) icazə varmı? Varsa da şərtləri və yasaqları...

Mövzuya başlamazdan əvvəl nəzərinizə çatdırmaq istərdim ki, çox çox təəssüf olsun ki, son zamanlar məscidə üz tutanlar, türbəyə üz tutanlardan qat qat azdır... səbəbi nədir? Niyə? Bəli “ niyə”... Məscid Allahın evidir. Allahla söhbət üçün ən gözəl yerdir... Məscidə şeytan girməz... İnsan Rəbbi ilə söhbət əvəzinə “qəbirdəkilərlə” söhbəti niyə üstün tutur bunu anlamıram... anlaya bilmirəm... Sənin tanıdığın Allah eşitmirmi? Eşidir əlbəttə. Əgər “Allah bizə şah damarımızdan daha yaxındırsa” o zaman ölülərdən nəsə istəməyimiz və bir də qalxıb qəbir üstündə namaz qılmağımız nəyə lazımdır?... Bir fikirləşin... Ölü sənə istədiyini verəcəkmi? əgər vermə qabiliyyəti varsa onda ilk öncə özünü qəbirdən çıxarsın, özünə həyat versin sonra Sənə kömək etsin...

Namaz Allahla “söhbətdir”.... Mən isə qəbir üstündə və utanmadan üzü qəbirə doğru namaz qılıram... Allah deməzmiki Ey Ağıl verdiyim Bəndəm! Namazı qəbirdəki üçünmü qılırsan? Onunlamı söhbət edirsən?... Mən nə vaxt sənin dualarına cavab vermədimki, Sən Məni qəbirdəki ilə əvəz edirsən.... Düşünün...

Qəbir ziyarətini Hz.Muhammed s.a.s əmr edib. Bu aydın məsələdir. Kimsə qəbir üstünə getmə!-deyə bir şey demir. Əbu Hureyrədən Hz.Muhammed haqqında gələn hədisdə : “Sizə qəbir ziyarətini yasaqlamışdım. İndi ziyarət edin! Beləcə siz dünyaya könül verməkdən qurtulub, axirəti xatırlayarsınız!”... Qəbir ziyarətinə getmək olar. Amma şərtlərdən çıxmamaq şərti ilə...

1. Ölü üçün Qurani Kərim oxumaq olar. Ölü için “Ya Rabbim! Burda yatan quluna cənnət ver. Ona verdiyin cənnəti, bizə də ver. Onu bağışla bizi də bağışla. Haqqımızı Ona halal edirik... Sən Onun qəbir əzabını yüngülləşdir və qəbrini nurla doldur! Amin”... deyə dua edə bilərsiniz.

2. Ölü üçün Fatiha, İxlas surələrini oxumaq olar. Qəbir ziyarətinə gələrkən və gedərkən “Əssalamu aleykum” deyə salam verə bilərik. Bunu HZ.Muhammed də məzarlıqdan keçdiyi zaman etmişdir. Esselamü aleyküm ya ehlel-kubur! Yagfirullahü lena ve leküm, entüm selefüna ve nahnü bil-eser

3. “Yardım ancaq və ancaq Allahdandır! “ Ali İmran 126 ayəsini yadınıza salıb Onlardan yardım istəməyin. Qəbir üstündə şam yandırmayın. Bez bağlamayın. Biz İsaviyikmi? Onlar kilsələrə gəldikləri zaman şam yandırar. Biz niyə onlara bənzəməliyik...Rəsulallah “kim özünü başqasına bənzətsə Ondan olar” (hədis tam yadımda deyil) demədimi? Bəs cırılmış parçanı niyə ora bağlayırlar anlamıram... çox fikirləşdim amma hələki cavabını tapa bilmədim...

4. Qəbir ziyarətinə gedin. Oradakı yatan insandan ibrət götürün. Bilin ki, siz də bir gün o torpaqda yatacaqsınız... görəsən qəbir əzabından, iki mələyin sorğu-sualından, ruhun və bədənin qəbir sıxıntısından əzab çəkdiyi bir yerdən,Allahın adını belə unuttuduğun yerdən----- “başqa birinə” ----kömək edə bilərsinizmi mi? Əgər ölən şəxs həqiqətən də mömin və Allahın sevdiyi quldursa onda o demək deyil ki, ondan nəsə istəməlisən. Və kim sənə deyə bilər ki O insan sırf cənnətlik və ya cəhənnəmlikdir... Hz.Muhammed s.a.s vaxtında əxlaqsız qadının biri “pişiyə” quyudan su verdiyi üçün Cənnətə girmək müjdəsini alırsa, əgər bir şəxs ömrü boyu ibadət edirsə və o etdiyi ibadətdən Əməl dəftərinə ancaq və ancaq oturub qalxmaq yazılırsa o zaman hansı ağıl sahibi deyə bilər ki, ölən bu şəxs sırf cənnətlikdir. Sən bilirsən ya Allah?!

5. Hz.Muhammed s.a.s qəbir ziyarətini bir dəfə yasaqlamışdı. Niyə? İbn-ül Kayyımı Cevziyye, Seleme-tebni Verdandan xəbər verir. Deyir ki, Enes bin Maliki gördüm. Rəsulullaha salam verdi. Sonra bir qəbrin divarına söykəndi, dua etdi. Müşriklər qəbir ziyarətini dəyişdirdilər. Dini tərsinə çevirdilər. Qəbirə gedərək, meyiti, Allaha şərik edirlər. Meyitə dua edirlər. Meyit vasitəsi ilə Allaha dua edirlər. Ehtiyaclarını meyitdən istəyirlər. Bərəkətin ondan gəlməsini gözləyirlər. Düşmənlərinə qarşı onun kömək etməsini diləyirlər. Beləcə, özlərinə də, ölüyə də pislik edirlər. Rəsulullah, bu pis adətləri önləmək üçün, qəbir ziyarətini qadağan etmişdi. Sonra, tövhid ürəklərə yerləşincə, qəbir ziyarətinə icazə verdi. Lakin qəbirdə hücr [axmaq, çirkin söz] söyləmək qadağan edildi. Hücrün ən böyüyü, qəbir başında, söz və hərəkət ilə şirk etməkdir. İndi, türbələri bəzəyirlər, məscidlərə baxmırlar. Allahın Peyğəmbərlərlə bildirdiyi dini tərsinə çevirirlər. (Türbələri düzəldib, Məscidləri yıxırlar) deyir.

6. Ruh eşidir. Bu Qurani Kərimdə belə var. Biz bunu qəbul edirik. Amma biz Ruhdan nəsə istəməyi qəbul etmirik...“Mən öldükdən sonra, bir müsəlman məni ziyarət etsə, diri ikən ziyarət etmiş kimi olar” bunu Rəsulallah s.a.s demişdir. Peyğəmbərimizi şəfaətçi də tutmaq caizdir. “Bir kimsə məni ziyarət etmək üçün gəlsə və başqa bir şey üçün niyyəti olmasa, qiyamət günü ona himayə etməmə layiq olmuşdur..” Hz.Muhammed inşallah ki, öz ümməti üçün qiyamət günü şəfaətçi olacaqdır. Onlar üçün Allahu Təalaya dua edəcəkdir ki, Allah ümmətini bağışlasın... Şəfaətçi ancaq Hz.Muhammedi (s.a.s) tuta bilərik. Ondan başqa hansi evliyanın, hansı seyidin, hansı haqq dostunun səhvi olmayıbki? Hər kəsin özünə görə səhvi olub yalnız Hz.Muhammedden başqa... əgər başqa bir insanı şəfaətçi tutursansa o zaman deməkki Hz.Muhammedin şəfaətçi olacağına inanmırsan.... Onun şəfaətinə nail olmaq üçün burdan durub Məkkəyə Mədinəyə getmək lazım deyil... Biz hər gün 100 50 salavat göndərməklə və “Ya Rabbim! Qiyamət günü bizi HZ.Muhammed Mustafanın şəfaət ettikləri insanlar sırasına qat! –duasıyla dua edə bilərik...

7. Qəbirimin yanında, mənim üçün oxunan salavatı eşidərəm. Uzaq yerlərdə oxunanlar mənə bildirilər.) [İbni Ebi Şeybe] Qurani Kərimdə belə varki, mələklər və cinlər Hz.Muhammed için salavat gətirərlər. siz də bunu edin...

8. Qəbir üstündə 11 ixlas oxuyan kimsəyə ölü ədədincə savab yazılar. Qəbir üstündə Quran oxumaq sünnətdir.

9. ölən evliyanın Allah dostunun unudulması və ziyarət edilməməsinin əleyhinəyik... Lakin Ölüdən nəsə istəmək məntiqə uyulası şey deyil...

10. qadınların qəbir ziyarətinə heç bir yasaq yoxdur.

11. qəbir başına gəldiyimiz zaman qəbrin sağ tərəfinə, ayaq tərəfə üzü qibləyə durmaq lazımdır.Öncə salam verib sonra da ölən şəxs üçün 11 ixlas və fatiha oxumaq lazımdır. Istəyən Quran da oxuya bilər. Sonra isə Ölüdən bir şey istəmək əvəzinə, Ölü üçün dua etməliyik. 1-ci qaydada göstərdiyimiz kimi...

Allah, Ona şərik qoşmağından başqa hər bir günahını bağışlayar...Unutma!